Friday, May 24, 2013

Materi Bebligbagan Basa Bali

Bebligbagan (DISKUSI)

            Sajeroning beligbagan , ida dane kengin mikolihang (ngeniang) informasi sane mabuat. Sane sida kepanggihin ring unteng –unteng bebaosan sajeroning bebligbagan.
Unteng-unteng bebaosan punika ngeninin indik sakadi ring sor puniki         :
1.      Sira sane nglaksanayang bebaosan miwah ngawedarang penampen kayun.
2.      Daging bebaosan ngeninin indik         :
a.       Napi sane kabaosang
b.      Sira sane kabaosang
c.       Genah kawentenang indik sane kabaosang
d.      Galah utawi dauh kawentenang indik sane kabaosang
e.       Sane ngawenang kawentenan indik sane kabaosang
f.       Sapunapi indik sane kabaosang punika wenten
3.      Nguningayang unteng-unteng bebaosan sane sampan kasurat , malarapan kasurat utawi tuturan. Ida dane dados nguningayang unteng-unteng bebaosan sajeroning wangun ringkesan majalaran dudonan kadi ring sor             :
a.       Nyurat unteng-unteng bebaosan bebligbagan
b.      Nureksa mawali unteng-unteng bebaosan bebligbagan sane sampun kasurat
c.       Nga uwah (nguwah suang-suang unteng bebaosan sajeroning lengkara )
d.      Ngakitang lengkara dados paragraph sane anut. Lengkara-lengkara punika kasurat manut ring dudonan kawentenan indik punika utawi awinan lan mawasana (sebab-akibat) lengkara sane kaanggen inggih punika lengkara sadarana.
Laksanayang ! (margiang)
1.      Indayang makarya kelompok (kumpulan) bebligbagan sane kawangun antuk 4-6 diri sisya.
2.      Rereh kawentenan indik sane anyar pisan, sane wenten ring kuwuban iragane
3.      Rereh data –data utawi artikel sane nyinahang indik punika!
Wacen , raris plajahin
4.      Bligbagan parikrama punika sareng kelompok bebligbagan ida dane.
5.      Suratang pamargin bebligbagan punika sane ngeninin indik ( unteng-unteng bebaosan.)
6.      Uningayang pikolih bebligbagan kelompok ida dane sajeroning wangun piuning sasuratan.

WAWANCARA

A.    Tetuwek
            Wawancara inggih punika pitaken miwah pasahur sahama tetujon ngeniang data sane mange kabuatan sane pasti. Pitaken pasahur punika kalaksanayang olih kalih unteng tetujon , inggih punika pawawancara inggih punika sapa sira ugi sane nimbakang pitaken –pitaken , miwah sane wawancara inggih punika sapa sira ugi sane mapaica pisahur manut pitaken-pitaken punika.

B.     Soroh-soroh Wawancara
            Parikrama wawancara keni kalaksanayang antuk makudang-kudang tata cara inggih punika sakadi ring sor puniki.
1.      Wawancara serta merta     :           inggih punika wawancara sane kalaksanayang antuk spontan miwah kalaksanayang sajeroning kawentenan sane alamiah utawi kadi patut ipun. Paiketan pawawancara ring sane kawawancarain mamargi manut kawentenan pitaken miwah pasahur mamargi manut kadi bebligbagan sarahina-rahina.
2.      Wawancara majalaran tuntunan umum.
Pawawancara (sane mataken) makarya kerangka ngeninin unteng-unteng indik sane jagi katakenang sajeroning pamargin wawancara makarya kerangka unteng-unteng punika kakaryanin sadurung wawancara kalaksanayang.
3.      Wawancara antuk nganggen kumpulan pitaken sane sampun kalaksanayang, dudonan, kruna-kruna, miwah tata cara indik mataken sajeroning pepalihan  wawancara puniki sampun kapastikayang. Sane mataken wantah kantun ngawacenang manut kawentenan ipun. Ngeninin indik pitaken sane sampun kacawisang punika.

C.     Dudonan pamargin wawancara
Pamargin wawancara punika kakepah dados 3 undagan        :

1.      Undagan pamungkah / pamahbah
Sane jagi mataken nyihnayang raga pinih rihin sapisanan nguningang kabuatan lan tetujon ipun.

2.      Undagan Unteng.
Tiwakang pitaken-pitaken antuk tatacara siotimatis, tiwakang pitaken-pitaken mangda paritates tur cendek akeh pitaken mangda antuk ring kawentenan miwah dauh. Lian ring punika , taler muatang kasidan sang mirengang sane sumeken. Sang mataken patut madue kasidan mabebaosan (mataken ) sane becik.

3.      Undagan Pamuput.
Puputang pemargin wawancara antuk wastan sane becik tur ngawangun suka. Mangda kukuh miara paiketan sane becik ring narasumber.

D.    Makarya Laporan (piuning) pikolih wawancara.
Wawancara punika marupa silih sinunggil tatacara mapulang data sajeroning karya ilmiah, lianan ring tatacara tetegar.
Punika awinannya sesampun wawancara punika kamargiang pawawancara patut nguningayang pikolih wawancara punika, patut kalaksanayang digelis , sakatun panguninge kantun anyar, mangda dangan ngelingang pamargin wawancara punika.





Imba Format Nyuratang Pikolih Wawancara.
·         Aran Nara Sumber      :                                                           Tanggal           :
·         Parindikan                   :                                                           Genah              :
·         Pitaken                                    :
---------------------------------------------------------------------------------------------------------
---------------------------------------------------------------------------------------------------------
---------------------------------------------------------------------------------------------------------
---------------------------------------------------------------------------------------------------------
---------------------------------------------------------------------------------------------------------
---------------------------------------------------------------------------------------------------------
---------------------------------------------------------------------------------------------------------
---------------------------------------------------------------------------------------------------------

Pasahur                        :
---------------------------------------------------------------------------------------------------------
---------------------------------------------------------------------------------------------------------
---------------------------------------------------------------------------------------------------------
---------------------------------------------------------------------------------------------------------
---------------------------------------------------------------------------------------------------------
---------------------------------------------------------------------------------------------------------
---------------------------------------------------------------------------------------------------------
---------------------------------------------------------------------------------------------------------
Panampen Pawawancara         :
---------------------------------------------------------------------------------------------------------
---------------------------------------------------------------------------------------------------------
---------------------------------------------------------------------------------------------------------
---------------------------------------------------------------------------------------------------------
---------------------------------------------------------------------------------------------------------
---------------------------------------------------------------------------------------------------------
---------------------------------------------------------------------------------------------------------
---------------------------------------------------------------------------------------------------------
Parindikan sane patut kauratiang sajeroning nyuratang lantaran pikolih wawancara :
1.      Panyuratan patut nguratiang tata cara sane kapastika sane kapatutang sajeroning keparan ilmiah
2.      Panyuratan patut nenten nganggen panampen ngraga sane banget doh ring pikolih wawancara
3.      Pilihin data utawi katerangng sane mabuat tur manut ring parindikan sane sampun karencanayang.
4.      Panyuratan patut miara pepingitan miwah nyaga wibawa narasumber.


KARYA KELOMPOK
1.      Karyanin kelompok sane madaging 4-6 sisya
2.      Rencanayang wawancara antuk mustikayang indik (topic) pinih riin.
3.      Laksanayang wawancara majeng ring  narasumber sane (mautama) berkompeten.
4.      Transkrip pikolih wawancara punika
5.      Raris karyanang ringkesan miwah simpulan sakring wawancara punika.

No comments:

Post a Comment